Микропрепараттарды дайындау ережелері.

Қиманы немесе басқа зерттеліп жатқан объекттерді (тозаң дәндері, балдырлар, т.б.) 1 тамшы қосынды сұйықтығы бар заттық шыныға салады және жабынды әйнекпен жабады. Қосынды сұйықтықты таңдағанда сыну көрсеткіші ескеріледі, және осы қосынды сұйықтықтың сыну көрсеткіші заттық шыны мен жабынды әйнектің сыну көрсеткішімен сәкес болуы керек.Уақытша препараттарды дайындаған кезде қосынды сұйықтық ретінде көбінесе су, глицерин немесе глицерин қосылған су қолданылады.Сонымен қосавазелин майы, лактофенол, хлоралгидрат және оның негізіндегі қоспалар, левулеза, гумми-шәрбат (гумми-сироп), т.б. қолданылуы мүмкін.Тұрақты препараттардың ортасы ретінде канадтық бальзам, полистерол, глицерин-желатин, цедакс, селикат-глицеринді қоспа, поливинил спирті, БФ желімі және т.б. қолданылады. Жабынды шыныны екі саусақтың көмегімен шеттерінен ұстап, төменгі қырын сұйықтықтамшысының шетіне сүйір бұрышпен жақындатып, абайлап, бірқалыпты қозғалыспен және инемен ұстап тұрып, жібереді. Жабынды шынының шетінен шыққан артық сұйықтықты фильтр қағазының кішкене бөлігімен сүртіп алады, ал жетпей қалған сұйықтықты жабынды және заттық шынының шегарасына тамызу арқылы толықтырады. Жабынды шынының астына жиналған ауа көпіршіктерін иненің көмегімен жабынды шыныны ақырындап көтеріп және қайтадан бірқалыпты жабу арқылы жоюға болады. Жабынды шынының үстіңгі беті құрғақ болуы керек және заттық шыныға тығыз жабысып тұруы керек.

Заттық және жабынды шынылар таза және құрғақ болуы керек. Жабынды шынының қалыңдығы 0,2 мм-ден аспайды (көп жағдайда одан аз болады) және біркелкі емес басатын болса, оңай сынып кетеді, сол үшін оны жұмсақ майлықтың (салфетка) ортасына салып сүртеді. Жабынды шынының бетінде майлы іздер қалмас үшін оның бетін саусақтармен ұстауға бомайды.

Жасушаның биологиялық құрылымдары арасындағы немесе тіндердің арасындағы айырмашылықтарды ажырату мақсатымен микрохимиялық реакцияларды жүргізу қажеттігі болған жағдайда өсімдік материалын әр түрлі бояғыштармен бояп, ойысы (шұңқыры) бар заттық шыныларды немесе сағаттық шыныларды қолданады. Ойысқа немесе сағаттық шыныға реактивтің қажет мөлшерін құяды, қиманы орнатады және белгілі бір уақыт аралығында ұстайды. Боялып біткеннен кейін бояғышты фильтр қағазымен сүртіп, қиманы сумен 2-3 рет жуады, кейін заттық шыныдағы қосынды сұйықтыққа салып, бетін жабынды шынымен жабады.

Кейбір жағдайда бояуды бірден заттық шыныда бір тамшы бояғыштың көмегімен немесе объектті зерттеп болғаннан кейін жабынды шыныны алмай ақ жасауға болады. Ол үшін бояғыштың тамшысын жабынды шыны шетінің жанына тамызады, ал қарама қарсы бетіне фильтр қағазының жолағын қояды. Қағаз суды сіңіреді, ал шынының астына бояғыш енеді.

<== попередня сторінка	\|	наступна сторінка ==>
Микротехника	\|	Радиатор отопителя

Не знайшли потрібну інформацію? Скористайтесь пошуком google:

Генерація сторінки за: 0.003 сек.